"ПСЖ" "Монако" ҳимоячиси Аксел Дисасини ўз сафига қўшиб олмоқчи, деб ёзмоқда журналист Сабер Дефарж ўз твиттерида.
Манба берган хабарга кўра, парижликлар аввалроқ 24 ёшли футболчига қизиқиш билдиришган ва 28 август, якшанба куни музокаралар ўтказилган. "ПСЖ" яқин соатларда расмий таклиф билан чиқиши мумкин.
Дисаси "Монако"да 2020 йилдан буён тўп тепади. 2022/23 йилги мавсумда ҳимоячи жамоа сафида барча мусобақаларда 6 та ўйинда майдонга тушиб, битта гол урди ва битта голли узатмани амалга оширди.
Франциялик футболчининг клуб билан шартномаси 2025 йилнинг ёзига қадар тузилган.