Yarim himoyachi Yannik Ferreyra Karrasko yozda “Atletiko”ni tark etishi mumkin.

The Telegraph xabariga ko‘ra, "Tottenxem" belgiyalik futbolchining transferi borasida muzokaralar olib bormoqda. Futbolchi uzoq vaqtdan beri jamoa bosh murabbiyi Antonio Kontega yoqib keladi.

Karraskoning transferi 60 million yevroni tashkil qiladi, ammo kelishuv londonliklar uchun ancha qulayroq shartlarda tuzilishi kutilmoqda. Qishki muzokaralar chog‘ida "Atletiko" futbolchi uchun taxminan 30 million yevro so‘ragan.

Jurnalist Ruben Uriyaning so‘zlariga ko‘ra, ispan klubi yarim himoyachini sotishga tayyor emas va yagona transfer varianti tovon puli to‘lash ekanligini ta’kidlamoqda.

Karrasko o‘tgan mavsumda La Ligada 34 ta o‘yinda maydonga tushib, 6 ta gol va 6 ta golli uzatmaga mualliflik qilgan.