Ярим ҳимоячи Янник Феррейра Карраско ёзда “Атлетико”ни тарк этиши мумкин.

The Telegraph хабарига кўра, "Тоттенхэм" бельгиялик футболчининг трансфери борасида музокаралар олиб бормоқда. Футболчи узоқ вақтдан бери жамоа бош мураббийи Антонио Контега ёқиб келади.

Каррасконинг трансфери 60 миллион еврони ташкил қилади, аммо келишув лондонликлар учун анча қулайроқ шартларда тузилиши кутилмоқда. Қишки музокаралар чоғида "Атлетико" футболчи учун тахминан 30 миллион евро сўраган.

Журналист Рубен Уриянинг сўзларига кўра, испан клуби ярим ҳимоячини сотишга тайёр эмас ва ягона трансфер варианти товон пули тўлаш эканлигини таъкидламоқда.

Карраско ўтган мавсумда Ла Лигада 34 та ўйинда майдонга тушиб, 6 та гол ва 6 та голли узатмага муаллифлик қилган.