Taniqli italiyalik jurnalist-insayder Fabrisio Romano hujumchi Pyer-Emerik Obameyangning "Barselona"dan "Chelsi"ga transferi borasida fikr bildirdi.
"Menga 12 kun oldin Londonda bo‘lib o‘tgan uchrashuvdan so‘ng shaxsiy shartlar kelishilganini aytishdi, Obameyang bilan hech qanday muammo yo‘q, biroq bir necha kun ichida kelishuvga erishilgani haqidagi da’volarga qaramay, klublar o‘rtasida mutlaqo kelishuv yo‘q... Bundan tashqari, Xavi hujumchini olib qolmoqchi, bu esa yana boshqa sababdir", - deb yozdi Romano Twitter'da.
33 yoshli gabonlik forvard joriy mavsumda La Liganing 1 ta o‘yinida ishtirok etdi. Transfermarkt uni 15 million yevroga baholagan.
