Таниқли италиялик журналист-инсайдер Фабрицио Романо ҳужумчи Пьер-Эмерик Обамеянгнинг "Барселона"дан "Челси"га трансфери борасида фикр билдирди.
"Менга 12 кун олдин Лондонда бўлиб ўтган учрашувдан сўнг шахсий шартлар келишилганини айтишди, Обамеянг билан ҳеч қандай муаммо йўқ, бироқ бир неча кун ичида келишувга эришилгани ҳақидаги даъволарга қарамай, клублар ўртасида мутлақо келишув йўқ... Бундан ташқари, Хави ҳужумчини олиб қолмоқчи, бу эса яна бошқа сабабдир", - деб ёзди Романо Twitter'да.
33 ёшли габонлик форвард жорий мавсумда Ла Лиганинг 1 та ўйинида иштирок этди. Transfermarkt уни 15 миллион еврога баҳолаган.
