Birmingemning “Aston Villa” klubi bosh murabbiyi Stiven Jerrard Angliya Premyer-ligasining yangi mavsumini yomon boshlagani uchun klub rahbariyatini xafa qildi. Football Insider xabariga ko‘ra, "sherlar" 42 yoshli mutaxassisni ishdan bo‘shatish haqida o‘ylamoqda.
Jerrardning o‘rniga "Aston Villa" rahbarlari hozirda "Brayton" bosh murabbiyi bo‘lib ishlayotgan Grem Potterni taklif qilishni rejalashtirmoqda.
Birmingemliklar Angliya chempionatini yaxshi boshlagani yo‘q, to‘rt turdan keyin bor-yo‘g‘i uch ochko jamg‘arishdi. Ayni damda Jerrard shogirdlari turnir jadvalida 15-o‘rinda bormoqda. Keyingi turda “sherlar” Londonning “Arsenal” jamoasiga qarshi bahs olib boradi.
