"Brayton" "Chelsi" yarim himoyachisi Billi Gilmorni transfer oynasi tugaguniga qadar tarkibiga qo‘shib olmoqchi.

Gilmor "Brayton" bosh murabbiyi Grem Potterga juda yoqadi. Shu bilan birga, klub shotlandiyalikni ijaraga ololmaydi, chunki “chaykalar” avvalroq “Chelsi”dan himoyachi Levi Kolvillni ijaraga olgandi. Premyer-liga qoidalari bir jamoaga bir nechta o‘yinchini ijaraga berishni taqiqlaydi, shuning uchun klub futbolchini sotib olishi kerak.

Gilmor o‘tgan mavsumni Chempionshipga tushib ketgan "Norvich"da o‘tkazdi. 21 yoshli futbolchi "kanareykalar" safida Premyer-liganing 24 o‘yinida 1 ta golli uzatmani amalga oshirgan.