"Брайтон" "Челси" ярим ҳимоячиси Билли Гилморни трансфер ойнаси тугагунига қадар таркибига қўшиб олмоқчи.

Гилмор "Брайтон" бош мураббийи Грем Поттерга жуда ёқади. Шу билан бирга, клуб шотландияликни ижарага ололмайди, чунки “чайкалар” аввалроқ “Челси”дан ҳимоячи Леви Колвиллни ижарага олганди. Премьер-лига қоидалари бир жамоага бир нечта ўйинчини ижарага беришни тақиқлайди, шунинг учун клуб футболчини сотиб олиши керак.

Гилмор ўтган мавсумни Чемпионшипга тушиб кетган "Норвич"да ўтказди. 21 ёшли футболчи "канарейкалар" сафида Премьер-лиганинг 24 ўйинида 1 та голли узатмани амалга оширган.