Fransuzning aqldan ozgan statistikasi bor.

Ispaniyaning Marca nashri taqdim etgan statistik ma’lumotlarga ko‘ra, fransiyalik futbolchi har bir o‘yinda o‘rtacha 4,69 marta raqiblaridan toza to‘pni olib qo‘yadi, bu La Ligadagi barcha futbolchilar orasida eng yaxshisidir.

"Espanyol"ga qarshi o‘yinda Tchuameni golli uzatmani amalga oshirdi, bir necha golli vaziyatlar yaratdi, 2 ta kalit uzatmani amalga oshirdi va 6 ta havo duelidan 5 tasida g‘alaba qozondi.

Tchuamenining harakatlarining "issiqlik xaritasi"dagi ko‘rinishi.

Uchrashuvdan so‘ng Anchelotti yangi kelgan futbolchini maqtab, u o‘zini yaxshilashda davom etishini aytdi.

"Biz hali ham Tchuameni oldinga o‘tishiga, qolgan ikki yarim himoyachi esa ortda qolishi kerakligiga ko‘nikishimiz kerak. Biz buning ustida ishlayapmiz”, - dedi Anchelotti.

"Tchuameni juda yaxshi va u faqat bundan yaxshiroq o‘ynashi mumkin", - deya qo‘shimcha qilgan italiyalik mutaxassis.

Avvalroq "Real" tarkibida aynan Orelyen pozisiyasida harakat qiladigan Kazemiro "Manchester Yunayted"ga transfer qilingandi.