"Valensiya" yarim himoyasi yetakchilaridan biri Karlos Soler "PSJ"ga transferni yakunlash uchun Parijga uchib ketdi. Bu haqda insayder Fabrisio Romano o‘zining ijtimoiy tarmoqlari orqali ma’lum qildi.

Manba bergan xabarga ko‘ra, ispaniyalik yarim himoyachi bugun, 1 sentyabr kuni Parij grandiga yangi kelgan futbolchi sifatida tanishtiriladi. Bitim 18 million yevroni tashkil qiladi, yana uch million “ko‘rshapalaklar” bonus to‘lov sifatida oladi. 25 yoshli yarim himoyachi bilan 2027 yilning yoziga qadar uzoq muddatli shartnoma imzolanadi.

2021/2022 yilgi mavsumda Karlos “Valensiya” safida 38 ta o‘yinda qatnashib, 12 ta gol va 5 ta golli uzatmaga mualliflik qilgan.