Jurnalist Fabrisio Romanoning xabar berishicha, "Fulxem" "Lids" hujumchisi Deniyel Jeyms bilan shartnoma imzolash arafasida.
Ushbu transfer oynasida 24 yoshli uelslik futbolchiga "Tottenxem" qiziqish bildirgandi, ammo kelishuv amalga oshmadi. "Fulxem" "Roma"dan Jastin Klyuyvertning muvaffaqiyatsiz transferidan so‘ng hujumchini ijaraga oladi.
Jeyms o‘tgan yozda "Lids"ga ko‘chib o‘tdi. Uning amaldagi shartnomasi 2026 yilda yakuniga yetadi. Transfermarkt portali futbolchining narxini 18 million yevroga baholamoqda.
Joriy mavsumda hujumchi klub safida 6ta o‘yinda maydonga tushib, 1ta golli uzatmani amalga oshirdi.