"Chelsi" himoyachi Ris Jeyms bilan yangi shartnoma imzolashga yaqin turibdi.
The Times xabariga ko‘ra, 22 yoshli ingliz futbolchisi uzoq muddatli shartnoma imzolaydi. Bu haqda yaqin kunlarda rasman e’lon qilinadi.
Manba bergan xabarga ko‘ra, shu haftada klub akademiyasi bitiruvchisi bilan muzokaralar jadallashgan. Jeymsning "Chelsi" bilan amaldagi shartnomasi 2025 yilgacha mo‘ljallangan.
Himoyachi joriy mavsumda APLda 4 ta o‘yinda maydonga tushib, 1 ta gol urdi va 1 ta golli uzatmani amalga oshirdi.
