"Bavariya" hujumchisi Tomas Myuller Germaniya chempionatining 5-turida "Union"ga qarshi o‘yinga (1:1) sarhisob qildi.

"Union" biz ulardan nima kutganimizni ko‘rsatdi. Bu yerga kelganingizda stadiondagi muhit aynan siz kutgandek edi. Ko‘pincha bizga yakuniy pas yetishmay qoldi, shuning uchun ham durang o‘ynadik. Biz munosib o‘yin o‘tkazdik, lekin ajoyib emas va bizni xursand qiladigan o‘yin ham emas. Ammo bu ham qisman raqibning xizmati bo‘ldi", - deya Myullerning so‘zlarini keltiradi klub rasmiy sayti.

Bu o‘yindan keyin "Bavariya" 11 ochko jamg‘arib, turnir jadvalida 3-o‘ringa tushib ketdi, "Union" 11 ochko bilan 4-o‘rinda bormoqda.