Fil Jonsning "Manchester Yunayted"dagi istiqbollari noaniq.

2022/2023 yilgi mavsumda 30 yoshli himoyachi hali jamoaning o‘yin uchun tarkibiga kiritilmagan. Boz ustiga, Jonsga klub bazasidagi “qizil iblislar” kiyinish xonasida joy yo‘q.

Daily Mail xabariga ko‘ra, Karringtondagi kiyim almashtirish xonasi 24 o‘yinchiga mo‘ljallangan va yana bir yangi futbolchi bilan shartnoma imzolaganidan so‘ng, Jonsga yoshlar jamoasining kiyim almashtirish xonasidan foydalanishi aytilgan.

Fil Jons "Manchester Yunayted"da 2011 yilning yozida "Blekbern"dan ko‘chib o‘tganidan beri o‘ynab kelmoqda.

Himoyachi klub safida 229 ta rasmiy o‘yin o‘tkazib, 6 ta gol urgan va 11 ta golli uzatmaga mualliflik qilgan.