Hujumchi Sasha Kalayjich "Vulverxempton"dagi debyutida jarohat oldi.
Avstriyalik futbolchi "Sautgempton"ga qarshi o‘yinda (1:0) tizzasida og‘riq sezdi va tanaffusda almashtirildi. Tekshiruv natijalariga ko‘ra, unga oldingi o‘zaro bog‘lami shikastlangani aniqlangan.
Kalaydjich Premyer-liga klubiga avgust oyi oxirida "Shtutgart"dan 18 million yevro evaziga sotib olingandi.
The Athletic xabariga ko‘ra, "Vulverxempton" hozirda hujumchi Diyego Kostani o‘z safiga qo‘shib olish uchun uning jismoniy holatini o‘rganib chiqmoqda.
33 yoshli braziliyalik futbolchi "Atletiko Mineyro"ni tark etganidan keyin olti oydan ko‘proq vaqt davomida erkin agent bo‘lib turibdi. Angliyada u 2014 yildan 2017 yilgacha "Chelsi"da o‘ynagan.
