"PSJ" hujumchisi Mauro Ikardi hamon turk jamoasiga o‘tishi mumkin.
Fanatik gazetasining xabariga ko‘ra, "Galatasaroy" 29 yoshli futbolchini ijaraga olish bo‘yicha kelishuvga erishgan. Argentinalik futbolchining turk klubiga transferi chorshanba kuni rasmiylashtirilishi kerak.
OAV xabariga ko‘ra, "PSJ" Ikardining maoshining asosiy qismini to‘laydi.
Turkiyada transfer oynasi 8 sentyabrdan kuni yopiladi.
Hujumchi 2019 yilda "Inter"dan "PSJ"ga ijaraga o‘tgan, bir yildan so‘ng esa 50 million evro evaziga doimiy ravishda sotib olingandi.
Joriy mavsumda Ikardi parijliklar safida birorta ham o‘yin o‘tkazmadi. Uning klub bilan shartnomasi 2024 yilning 30 iyuniga qadar mo‘ljallangan.
