"ПСЖ" ҳужумчиси Мауро Икарди ҳамон турк жамоасига ўтиши мумкин.
Фанатик газетасининг хабарига кўра, "Галатасарой" 29 ёшли футболчини ижарага олиш бўйича келишувга эришган. Аргентиналик футболчининг турк клубига трансфери чоршанба куни расмийлаштирилиши керак.
ОАВ хабарига кўра, "ПСЖ" Икардининг маошининг асосий қисмини тўлайди.
Туркияда трансфер ойнаси 8 сентябрдан куни ёпилади.
Ҳужумчи 2019 йилда "Интер"дан "ПСЖ"га ижарага ўтган, бир йилдан сўнг эса 50 миллион эвро эвазига доимий равишда сотиб олинганди.
Жорий мавсумда Икарди парижликлар сафида бирорта ҳам ўйин ўтказмади. Унинг клуб билан шартномаси 2024 йилнинг 30 июнига қадар мўлжалланган.