"Yuventus" "Liverpul" hujumchisi Roberto Firminoga qiziqish bildirishda davom etmoqda. Turin klubi 30 yoshli braziliyalik futbolchining transferini qishki transfer oynasida rasmiylashtirishga harakat qiladi, deya xabar beradi jurnalist Ekrem Konur.
Bu yozda "Yuve" braziliyalikni sotib olishga urinib ko‘rdi, biroq klublar transfer shartlari bo‘yicha kelisha olishmadi.
Braziliyalik futbolchi APLning joriy mavsumida 5 ta o‘yinda maydonga tushib, 3 ta gol urdi va 3 ta golli uzatmani amalga oshirdi.
Tomonlar o‘rtasidagi kelishuv joriy mavsum oxirida tugaydi, shuning uchun yanvar oyidan boshlab Firmino boshqa jamoalar bilan to‘g‘ridan-to‘g‘ri muzokara olib borishi mumkin bo‘ladi.
