“Manchester Siti” Chempionlar ligasidagi sayohatini “Sevilya” ustidan ishonchli g‘alaba bilan boshladi. Xosep Gvardiola shogirdlari ispan jamoasi darvozasiga javobsiz to‘rtta gol urishdi. Shveysariyalik himoyachi uchun bu o‘yin klubdagi debyuti bo‘ldi va u o‘yin qanday o‘tganidan juda mamnun.

"Bu mening birinchi o‘yinim, ko‘p qo‘llab-quvvatlashni his qildim. Bularning barchasi mening vazifamni osonlashtirdi va biz quruq o‘yin o‘tkazdik va uch ochkoni qo‘lga kiritdik. Bu yerga qanday keldim? Xoland menga qo‘ng‘iroq qildi va jamoadan taklif tushgach, ikkilanmadim. U menga klub haqida faqat yaxshi narsalarni aytdi", - deydi Akanji.