Superliganing 18-tur doirasidan o‘rin olgan “Qo‘qon-1912” – AGMK bahsi 9 sentyabr kuni Yaypandagi “O‘zbekiston” stadionida bo‘lib o‘tadi. Navbatdagi bahs oldidan ushbu jamoalarning o‘zaro o‘yinlardagi statistik ma’lumotlari bilan tanishtirib o‘tamiz.
O‘zaro o‘yinlar
Ushbu jamoalar shu kunga qadar O‘zbekiston chempionatlarida 17 marta to‘qnash kelishgan. O‘yinlarning to‘rttasida qo‘qonliklar g‘alaba qozonishgan. O‘nta uchrashuvda olmaliqliklar qo‘li baland kelgan. Uchta bahsda g‘olib nomi aniqlanmagan.
To‘plar nisbati 31-20 AGMK foydasiga. O‘zaro uchrashuvlarda "Qo‘qon-1912" 15 ochkoni qo‘lga kiritgan. AGMK hisobida esa 33 ochko mavjud.
Qo‘qonda o‘tkazilgan so‘nggi oltita uchrashuv:
20.11.2021 QO‘QON-1912 – AGMK – 2:2
26.10.2020 Qo‘qon-1912 – AGMK - 1:0
23.11.2019 Qo‘qon-1912 – AGMK - 1:3
03.10. 2018 Qo‘qon-1912 – AGMK - 1:2
18. 07. 2018 Qo‘qon-1912 – AGMK - 3:0
25.11.2017 Qo‘qon-1912 – AGMK - 1:2
AGMKga qarshi o‘yinni Raximbek Karimov boshqarib boradi
Superliganing 18 turida ishlaydigan rasmiylar ma’lum bo‘ldi. Yaypandagi "O‘zbekiston" stadionida bo‘lib o‘tadigan AGMK- "Qo‘qon-1912" uchrashuvini Raximbek Karimov boshchiligidagi hakamlar guruhi boshqarib borishadigan bo‘ldi. Raximbek Karimov bu mavsumda qo‘qonliklar ishtirokidagi 2ta bahsni boshqarib borgan. Safarda o‘tgan ikki bahsning birida "Qo‘qon-1912" mag‘lub bo‘lgan va birida durang natija qayd etilgan. Karimov boshqarib borgan "Navbahor"ga qarshi Namanganda bo‘lib o‘tgan bahsda mezbonlar g‘alaba qozonishgan bo‘lsa, Toshkentda "Bunyodkor" bilan o‘yinda 1-1 hisobidagi durang natijani qayd etilgan.
AGMK bilan bo‘ladigan o‘yinda VAR tizimidan ham foydalaniladi. VAR hakami sifatida esa Akobir Shukrullayev faoliyat olib boradi.
9 sentyabr, juma
QO‘QON-1912 – AGMK
Yaypan. “O‘zbekiston” stadioni. 18:30
Hakamlar: Rahimbek Karimov, Islom Azimov, Sherzod A’zamov, Husan Muzaffarov
VAR hakami: Akobir Shukurullayev
VAR assistenti: Maksim Nexochin
Nazoratchi: Arslon Xotamov
Komissar: Sherzod Rajabov
