Chempionlar ligasi guruh bosqichining 1-turi doirasidagi “Tottenxem” o‘z maydonida “Marsel”ni qabul qilgan o‘yin vaqtida London polisiyasi Fransiya klubining besh nafar muxlisini hibsga oldi.
“7 sentyabr chorshanba kuni Chempionlar ligasi doirasidagi “Tottenxem” – “Marsel” uchrashuvida besh kishi hibsga olindi. O‘qotar quroldan foydalanish, mushtlashish, mastlik, tartibbuzarlik va giyohvandlik kabi turli huquqbuzarliklar uchun hibsga olingan. Hibsga olinganlarning barchasi mehmon jamoa muxlislari ekanligi taxmin qilinmoqda. Hibsga olish chog‘ida bir ofiser yaralangan va qo‘li sindirgan”, — deya London polisiyasining so‘zlaridan iqtibos keltirgan The Athletic.
Eslatib o‘tamiz, o‘yin vaqtida "Marsel" muxlislari tribunalarda tartibsizliklar ko‘tarib, "Tottenxem" muxlislariga qarata fayerlar otishgan, shuningdek, tribunadan chiqish joyida osilgan LGBT bayrog‘ini yirtib tashlashgan.
