Чемпионлар лигаси гуруҳ босқичининг 1-тури доирасидаги “Тоттенхэм” ўз майдонида “Марсель”ни қабул қилган ўйин вақтида Лондон полицияси Франция клубининг беш нафар мухлисини ҳибсга олди.
“7 сентябрь чоршанба куни Чемпионлар лигаси доирасидаги “Тоттенхэм” – “Марсель” учрашувида беш киши ҳибсга олинди. Ўқотар қуролдан фойдаланиш, муштлашиш, мастлик, тартиббузарлик ва гиёҳвандлик каби турли ҳуқуқбузарликлар учун ҳибсга олинган. Ҳибсга олинганларнинг барчаси меҳмон жамоа мухлислари эканлиги тахмин қилинмоқда. Ҳибсга олиш чоғида бир офицер яраланган ва қўли синдирган”, — дея Лондон полициясининг сўзларидан иқтибос келтирган The Athletic.
Эслатиб ўтамиз, ўйин вақтида "Марсель" мухлислари трибуналарда тартибсизликлар кўтариб, "Тоттенхэм" мухлисларига қарата файерлар отишган, шунингдек, трибунадан чиқиш жойида осилган ЛГБТ байроғини йиртиб ташлашган.
