"Chelsi" xo‘jayinlari hujumchi Pyer-Emerik Obameyangni Tomas Tuxelning bosh murabbiy sifatida ketishi uning jamoadagi roliga ta’sir qilmasligiga ishontirishdi.
Eslatib o‘tamiz, germaniyalik mutaxassisning shaxsan o‘zi Obameyang transferini talab qilgandi.
Hujumchi rahbariyatning bosh murabbiy bilan xayrlashish qaroridan hayratda qolgan, ammo yakunda vaziyatga xayrixohlik bildirgan. Endi Obameyang "Chelsi"ning yangi bosh murabbiyi uchun asosiy nomzod bo‘lgan Grem Potter bilan ishlashni intiqlik bilan kutmoqda.
Obameyang "Barselona"dan 12 million yevro evaziga "Chelsi"ga o‘tgandi. Bungacha gabonlik futbolchi Londonning “Arsenal” jamoasida o‘ynagan.
