Oila eng muhimi!
Robert Levandovski "Barselona" futbolchisi sifatida Chempionlar Ligasidagi debyutida xet-trik qayd etib, muxlislarni yana bir bor lol qoldirdi.
Polshalik hujumchi 34-daqiqada gol urib, Kataloniya klubi safida turnirdagi ilk golini kiritdi. Ikkinchi gol birinchi bo‘limning qo‘shib berilgan vaqtida yaqin masofadan bosh bilan berilgan zarba natijasida kiritildi. Levandovski 67-daqiqada jarima maydoni tashqarisidan aniq zarba yo‘llab, o‘zining xet-trikini nishonladi.
Bunday chiqishdan so‘ng, "Kamp Nou"dagi muxlislar polshalik hujumchining ko‘kragiga mushtini urgan mashhur gol nishonlashini ko‘rishdi. Levandovski bu ishora 2019 yilda yilda qanday paydo bo‘lganini aytib berdi.
“Gol nishonlash uslubim qizim bilan bog‘liq. Tafsilotlarga ortiqcha to‘xtalmoqchi emasman, bu biroz sir! Men oilam meni doim qo‘llab-quvvatlashini ko‘rsatmoqchiman, chunki bu mening karyeramda ko‘p yordam bergan."
Shu bilan birga, u gol urilgandan keyin boshdan kechirgan hissiyotini tushuntirdi:
“Sen gol urganing va 80 000 muxlis seni olqishlagani - o‘zgacha tuyg‘u. Har bir futbolchi hayoti davomida kamida bir marta bu tuyg‘uni his qilib ko‘rishini istardim", - deya qo‘shimcha qilgan Levandovski.
