"Milan" yarim himoyachisi Sandro Tonali klub bilan yangi shartnoma imzolaganidan so‘ng muxlislarga murojaat qildi.
"Yangi shartnoma va "Milan"da qolishim uzaytirilganidan xursandman. Bu klubga bo‘lgan muhabbatim qanchalik chuqur ekanini bilasiz. Bizga ko‘rsatayotgan yordamingiz uchun tashakkur. Sizning qo‘llab-quvvatlashingiz bilan biz ko‘p narsaga erisha olamiz”, - deb yozadi Tonali ijtimoiy tarmoqda.
Tonali "Milan" klubida 2020 yildan buyon o‘ynab kelmoqda. Transfermarkt portali futbolchining narxini 50 million yevroga baholamoqda.
Tonali joriy mavsum “Milan” safida 5 ta o‘yinda maydonga tushib, 1 ta golli uzatmani amalga oshirdi.
