Bosniya va Gersegovina terma jamoasi hujumchisi Edin Jeko jamoaning Rossiya terma jamoasiga qarshi o‘rtoqlik o‘yini o‘tkazishi kerakligidan noroziligini bildirdi, deb yozadi “RIA Novosti” Bosniyadagi “Dnevni avaz” nashriga tayanib.
“Begunoh odamlar azob chekayotgan paytda men bu o‘yinga qarshiman. Men har doim faqat tinchlik tarafdoriman va ular uchun og‘ir damlarda Ukraina xalqi bilan birdam bo‘lishni xohlayman”, — dedi Jeko.
O‘yin 19 noyabr kuni Sankt-Peterburgda o‘tkazilishi rejalashtirilgan. Shuningdek, noyabr oyida rossiyaliklar Eron terma jamoasi bilan uchrashadi.
