Босния ва Герцеговина терма жамоаси ҳужумчиси Эдин Жеко жамоанинг Россия терма жамоасига қарши ўртоқлик ўйини ўтказиши кераклигидан норозилигини билдирди, деб ёзади “РИА Новости” Босниядаги “Dnevni avaz” нашрига таяниб.
“Бегуноҳ одамлар азоб чекаётган пайтда мен бу ўйинга қаршиман. Мен ҳар доим фақат тинчлик тарафдориман ва улар учун оғир дамларда Украина халқи билан бирдам бўлишни хоҳлайман”, — деди Жеко.
Ўйин 19 ноябр куни Санкт-Петербургда ўтказилиши режалаштирилган. Шунингдек, ноябрь ойида россияликлар Эрон терма жамоаси билан учрашади.
