Gvineya terma jamoasi bosh murabbiyi Kaba Diavara "Liverpul" yarim himoyachisi Nabi Keytani jamoaning bo‘lajak o‘yinlariga chaqirish qarorini tushuntirdi. Eslatib o‘tamiz, yarim himoyachi jarohati sabab hozirda o‘yinda ishtirok eta olmayapti.
“Biz vaziyatni diqqat bilan kuzatib boramiz. Birinchi o‘yinimizga hali ikki hafta bor, keling, uning o‘yingacha tuzalishini kuzatamiz", - dedi Gvineya terma jamoasi bosh murabbiyi Anfield Watch bilan suhbatda.
Eslatib o‘tamiz, Keytaning "Liverpul" bilan shartnomasi mavsum oxirida yakuniga yetadi. Klub futbolchiga yangi shartnoma taklif qilmoqchi, ammo Nabining o‘zi uni imzolashga shoshilmayapti. Futbolchiga yozda Dortmundning "Borussiya" klubi qiziqqan edi.
