Madridning “Atletiko” klubi hujumchisi Antuan Grizmann ketma-ket 7-o‘yinni zaxiradan boshladi. Ispaniya chempionatining 5-turi doirasida Madrid klubi o‘z maydonida “Selta”ni qabul qilmoqda.
Oldingi olti uchrashuvda Antuan maydonda 30 daqiqadan ko‘p harakat qilmagan.
Avvalroq "Barsa" "Atletiko"ni sudga bermoqchi ekani ma’lum bo‘lgandi. Kataloniya rahbariyati madridliklar 31 yoshli fransiyalik futbolchining bonus pullarini to‘lamaslik uchun maydondagi vaqtini ataylab cheklamoqda, deb hisoblamoqda.
Agar ikki mavsumda 50 foiz o‘yinda kamida 45 daqiqa maydonda o‘tkazsa, “Atletiko” futbolchini 40 million yevroga sotib olishi talab qilinadi.
