Мадриднинг “Атлетико” клуби ҳужумчиси Антуан Гризманн кетма-кет 7-ўйинни захирадан бошлади. Испания чемпионатининг 5-тури доирасида Мадрид клуби ўз майдонида “Сельта”ни қабул қилмоқда.

Олдинги олти учрашувда Антуан майдонда 30 дақиқадан кўп ҳаракат қилмаган.

Аввалроқ "Барса" "Атлетико"ни судга бермоқчи экани маълум бўлганди. Каталония раҳбарияти мадридликлар 31 ёшли франциялик футболчининг бонус пулларини тўламаслик учун майдондаги вақтини атайлаб чекламоқда, деб ҳисобламоқда.

Агар икки мавсумда 50 фоиз ўйинда камида 45 дақиқа майдонда ўтказса, “Атлетико” футболчини 40 миллион еврога сотиб олиши талаб қилинади.