"Arsenal" yarim himoyachisi Markinyos Markus Vinisius Oliveyra Alenkar qishki transfer oynasida jamoani tark etishi mumkin, agar bosh murabbiy Mikel Arteta braziliyalik o‘rniga o‘rinbosar topsa. Bu holatda yarim himoyachi ijaraga berilishi mumkin. Bu haqda The Sun nashri xabar bermoqda.
19 yoshli Markinyos 2022 yilning yozida "San-Paulu"dan "Arsenal"ga o‘tgan edi. London jamoasi uchun Markinyos Yevropa ligasi guruh bosqichining 1-turi doirasidagi "Syurix" bilan o‘yinda debyut qildi va gol urib, golli uzatma berdi. Tomonlar o‘rtasidagi kelishuv 2027 yilda yakuniga yetadi.
Birinchi o‘yindagi bunday ko‘rsatkichga qaramay, Arteta o‘yinchini qo‘yib yuborishga tayyor, shunda u muntazam o‘yin vaqtini oladi.
