O‘tgan haftada "Napoli" Chempionlar ligasi guruh bosqichining birinchi turida "Liverpul"ni 4:1 hisobida mag‘lub etdi. Italiya jamoasi yarim himoyachisi Xvicha Kvarasxeliya o‘sha g‘alabani esladi.
“Chempionlar ligasida o‘ynash har bir futbolchining orzusi. "Liverpul"ga qarshi o‘yin o‘zgacha bo‘ldi. Yevropaning eng yaxshi jamoalaridan biri ustidan qozonilgan g‘alaba jamoamiz nimalarga qodirligini ko‘rsatdi.
Biz yaxshi natija ko‘rsatdik, ammo “Reynjers” bilan o‘yin oldidan bu hech narsani anglatmaydi. Ular o‘z muxlislari qarshisida o‘ynashadi va g‘alaba qozonishni xohlashadi”, dedi Kvarasxeliya Daily Record nashriga.
