“Zemamra” klubi yarim himoyachisi Hoshim Mastur Marokash ikkinchi divizioni doirasidagi “Shebaba Ben-Gerir”ga (3:1) qarshi uchrashuvda gol urdi.
"Milan"ning 24 yoshli tarbiyalanuvchisi uchun bu gol professional faoliyatidagi ikkinchi gol bo‘ldi. Oxirgi marta Italiya pasportiga ega marokashlik futbolchi 2020/21 yilgi mavsumda C Seriyaning “Karpi” klubi safida gol urgan. Yarim himoyachi “Milan” va “Zvolle” yoshlari uchun ham bittadan gol urgan.
Avvalroq Mastur The Guardian tomonidan tuzilgan 1998 yilda tug‘ilgan 50 ta eng yaxshi futbolchi ro‘yxatiga kiritilgan edi.
Mastur 2014 yildan 2018 yilgacha "Milan"da o‘ynagan. So‘nggi uch yil ichida u "Rejina" va "Karpi" jamoalariga ijaraga berilgan.













