"Liverpul" bosh murabbiyi Yurgen Klopp Chempionlar ligasi guruh bosqichi 2-turida "Ayaks"ga qarshi bo‘lib o‘tadigan o‘yin oldidan "Napoli"ga qarshi o‘yinni (1:4) eslab, uni dahshat bilan taqqosladi.
"Biz futbolchilar bilan uchrashuv o‘tkazdik. Men o‘yinni bir necha marta qayta ko‘rdim va bu, ochig‘ini aytganda, haqiqiy dahshat edi. Yigitlar buni tushunishdi, lekin o‘yinni yana bir bor ko‘rgandan so‘ng bu yanada yaqqol ko‘zga tashlandi. Bu men tayinlanganimdan beri eng yomon o‘yinimiz bo‘ldi, garchi avvallari omadsiz o‘yinlarimiz bo‘lsa-da.
“Aston Villa”dan uchralgan mag‘lubiyat (2020 yilda 2:7) va boshqa o‘yinlarda biz kerakli tezlikka erisha olmaganimizni hamma eslaydi, biroq o‘sha vaziyatlarda hech bo‘lmaganda biroz ko‘rinishlar bo‘lgan.
"Napoli"ga qarshi o‘yinda umuman hech narsa bo‘lmadi. Va nima uchun bu sodir bo‘lganini tushunishimiz kerak. Menimcha, asosiy tarkibdan sakkiz nafari o‘z darajasiga mutlaqo to‘g‘ri kelmasdi, qolgan uch nafari esa o‘zlarining yuqori saviyalarini ko‘rsata olishmadi, ular odatdagi saviyada o‘ynashdi", — dedi Klopp Goal portaliga.
“Liverpul” – “Ayaks” uchrashuvi 13 sentyabr tunda, Toshkent vaqti bilan soat 00:00da boshlanadi.
