Shu oyda "Spartak"dan "Ural"ga ko‘chib o‘tgan hamyurtimiz Oston O‘runov Yekaterinburg jamoasi bosh murabbiyi Viktor Goncharenko haqida o‘z fikrlari bilan o‘rtoqlashdi.
“Goncharenko - top-murabbiy! Men "Ural"ga ko‘chib o‘tishdan oldin ham unga ergashdim, uning qo‘l ostida mashg‘ulotlar va o‘ynashni boshlaganimdan juda xursandman" - dedi O‘runov "Sport-Ekspress" bilan suhbatda.
Eslatib o‘tamiz, avvalroq mutaxassis "Krasnodar" va SSKAda ishlagan, ular bilan 2018 yilda Rossiya Superkubogini, shuningdek, Rossiya chempionatining ikki karra kumush medallarini (2017, 2018) qo‘lga kiritishga muvaffaq bo‘lgandi. 45 yoshli murabbiy shu yilning avgust oyidan boshlab "Ural"ni boshqarmoqda.
RPLning to‘qqiz turidan so‘ng, "Ural" o‘z hisobida to‘rt ochko to‘plagan holda turnir jadvalida 15-o‘rinni egallab turibdi. Goncharenko shogirdlari navbatdagi o‘yinni 17 sentyabr kuni "Axmat"ga qarshi o‘tkazishadi. Uchrashuv Toshkent vaqti bilan 14:00 da boshlanadi.
