Шу ойда "Спартак"дан "Урал"га кўчиб ўтган ҳамюртимиз Остон Ўрунов Екатеринбург жамоаси бош мураббийи Виктор Гончаренко ҳақида ўз фикрлари билан ўртоқлашди.
“Гончаренко - топ-мураббий! Мен "Урал"га кўчиб ўтишдан олдин ҳам унга эргашдим, унинг қўл остида машғулотлар ва ўйнашни бошлаганимдан жуда хурсандман" - деди Ўрунов "Спорт-Экспресс" билан суҳбатда.
Эслатиб ўтамиз, аввалроқ мутахассис "Краснодар" ва ЦСКАда ишлаган, улар билан 2018 йилда Россия Суперкубогини, шунингдек, Россия чемпионатининг икки карра кумуш медалларини (2017, 2018) қўлга киритишга муваффақ бўлганди. 45 ёшли мураббий шу йилнинг август ойидан бошлаб "Урал"ни бошқармоқда.
РПЛнинг тўққиз туридан сўнг, "Урал" ўз ҳисобида тўрт очко тўплаган ҳолда турнир жадвалида 15-ўринни эгаллаб турибди. Гончаренко шогирдлари навбатдаги ўйинни 17 сентябр куни "Ахмат"га қарши ўтказишади. Учрашув Тошкент вақти билан 14:00 да бошланади.
