Madridning “Atletiko” klubi bosh murabbiyi Diyego Simeone Chempionlar ligasi doirasida “Bayer”ga qarshi o‘yinda jamoasining omadsizligi haqida gapirdi.
Leverkuzenliklar 84 va 87-daqiqalarda darvozani ishg‘ol qilib, g‘alaba qozonishdi.
"Birinchi bo‘limda "Atletiko"da ikki yoki uchta imkoniyat bo‘ldi, ammo ulardan foydalana olmadi. O‘yinni o‘z foydamizga aylantirish imkoniyatini qo‘ldan boy berdik, raqib buni 80-daqiqadan keyin amalga oshirdi. Qarshi hujum natijasida o‘tkazib yuborilgan ikkinchi gol barcha savollarni olib tashladi. Biz bu o‘yinni unutib, davom etishimiz kerak”, dedi argentinalik mutaxassis o‘yindan keyingi matbuot anjumanida.
Ikki turdan keyin “B” guruhi peshqadami Belgiyaning “Bryugge” klubi 6 ochko bilan bormoqda. "Atletiko" va "Bayer"da 3 ochko bor, "Portu" esa dastlabki ikkala o‘yinda mag‘lub bo‘ldi.
