Мадриднинг “Атлетико” клуби бош мураббийи Диего Симеоне Чемпионлар лигаси доирасида “Байер”га қарши ўйинда жамоасининг омадсизлиги ҳақида гапирди.
Леверкузенликлар 84 ва 87-дақиқаларда дарвозани ишғол қилиб, ғалаба қозонишди.
"Биринчи бўлимда "Атлетико"да икки ёки учта имконият бўлди, аммо улардан фойдалана олмади. Ўйинни ўз фойдамизга айлантириш имкониятини қўлдан бой бердик, рақиб буни 80-дақиқадан кейин амалга оширди. Қарши ҳужум натижасида ўтказиб юборилган иккинчи гол барча саволларни олиб ташлади. Биз бу ўйинни унутиб, давом этишимиз керак”, деди аргентиналик мутахассис ўйиндан кейинги матбуот анжуманида.
Икки турдан кейин “Б” гуруҳи пешқадами Бельгиянинг “Брюгге” клуби 6 очко билан бормоқда. "Атлетико" ва "Байер"да 3 очко бор, "Порту" эса дастлабки иккала ўйинда мағлуб бўлди.
