Rossiya va Qirg‘iziston terma jamoalari o‘rtasidagi o‘rtoqlik o‘yini o‘tkazilmasligi xavfi ostida turibdi.
Bunga Qirg‘iziston vakillarining Rossiya tomoniga o‘yin uchun televideniye huquqlarini taqdim eta olmagani sabab bo‘lishi mumkin. Odatda mezbon davlat mehmonlarga 50 foiz televideniye huquqini beradi, biroq ayni damda barcha huquqlar mahalliy agentlikka sotilgan. Agar televizion huquqlar o‘tkazilmasa, o‘yin Rossiyada efirga uzatilmaydi. Shu sababli, Rossiya terma jamoasi o‘rtoqlik o‘yinini bekor qilishi mumkin.
Qirg‘iziston - Rossiya o‘yini 24 sentyabr kuni Bishkekda bo‘lib o‘tishi kerak.
