Россия ва Қирғизистон терма жамоалари ўртасидаги ўртоқлик ўйини ўтказилмаслиги хавфи остида турибди.

Бунга Қирғизистон вакилларининг Россия томонига ўйин учун телевидение ҳуқуқларини тақдим эта олмагани сабаб бўлиши мумкин. Одатда мезбон давлат меҳмонларга 50 фоиз телевидение ҳуқуқини беради, бироқ айни дамда барча ҳуқуқлар маҳаллий агентликка сотилган. Агар телевизион ҳуқуқлар ўтказилмаса, ўйин Россияда эфирга узатилмайди. Шу сабабли, Россия терма жамоаси ўртоқлик ўйинини бекор қилиши мумкин.

Қирғизистон - Россия ўйини 24 сентябрь куни Бишкекда бўлиб ўтиши керак.