"Milan"ning shvesiyalik tajribali hujumchisi Zlatan Ibrahimovich jurnalistlar bilan "rossonerlar"ning joriy mavsumdagi istiqbollari haqida o‘z fikrlari bilan o‘rtoqlashdi.
Ibrahimovichning Gazzetta dello Sport nashriga aytishicha, milanliklar yozgi transfer oynasida juda yaxshi kuchaygan va o‘tgan yilgidan ham kuchliroq. Shvesiyalik futbolchining ta’kidlashicha, hozir "Milan"ning zaxira o‘rindig‘ida ko‘plab variantlar mavjud.
“Menga Milan yoqadimi? Shubhasiz yoqadi. Aks holda, bu yerda uzoq vaqt bo‘lmasdim", - deya qo‘shimcha qildi Ibrahimovich.
Eslatib o‘tamiz, 40 yoshli hujumchi jarohatidan tiklanishda davom etmoqda. O‘tgan mavsumda Ibrahimovich "rossonerlar" bilan Italiya chempionatida 23ta o‘yin o‘tkazib, 8ta gol urdi va 3ta golli uzatmani amalga oshirdi.
