"Милан"нинг швециялик тажрибали ҳужумчиси Златан Ибраҳимович журналистлар билан "россонерлар"нинг жорий мавсумдаги истиқболлари ҳақида ўз фикрлари билан ўртоқлашди.
Ибраҳимовичнинг Gazzetta dello Sport нашрига айтишича, миланликлар ёзги трансфер ойнасида жуда яхши кучайган ва ўтган йилгидан ҳам кучлироқ. Швециялик футболчининг таъкидлашича, ҳозир "Милан"нинг захира ўриндиғида кўплаб вариантлар мавжуд.
“Менга Милан ёқадими? Шубҳасиз ёқади. Акс ҳолда, бу ерда узоқ вақт бўлмасдим", - дея қўшимча қилди Ибраҳимович.
Эслатиб ўтамиз, 40 ёшли ҳужумчи жароҳатидан тикланишда давом этмоқда. Ўтган мавсумда Ибраҳимович "россонерлар" билан Италия чемпионатида 23та ўйин ўтказиб, 8та гол урди ва 3та голли узатмани амалга оширди.
