Madridning “Real” klubi bosh murabbiyi Karlo Anchelotti Chempionlar ligasi guruh bosqichi 2-turidan o‘rin olgan Germaniyaning “Leypsig” klubiga (2:0) qarshi o‘yinda hujumchi Karimi Benzemaning yo‘qligi haqida fikr bildirdi.
"Karim maydonga tushgan taqdirda ham o‘yin rejamiz o‘zgarishsiz qoladi. Biz uning yaqin kunlardagi mashg‘ulotlarini ko‘rib chiqishimiz, keyin esa keyingi o‘yindagi ishtirokini hal qilishimiz kerak. Bu masalada tavakkal qila olmaysiz. Agar u o‘zini yaxshi his qilsa, dam olish kunlarida "Atletiko"ga qarshi bo‘ladigan o‘yinda maydonga tushadi", - dedi Anchelotti klub matbuot xizmatiga.
Ayni damda 34 yoshli fransiyalik futbolchi jarohati sababli maydonga tushmayapti.
Madrid derbisi 18 sentyabr kuni bo‘lib o‘tadi.
