Мадриднинг “Реал” клуби бош мураббийи Карло Анчелотти Чемпионлар лигаси гуруҳ босқичи 2-туридан ўрин олган Германиянинг “Лейпциг” клубига (2:0) қарши ўйинда ҳужумчи Карими Бенземанинг йўқлиги ҳақида фикр билдирди.
"Карим майдонга тушган тақдирда ҳам ўйин режамиз ўзгаришсиз қолади. Биз унинг яқин кунлардаги машғулотларини кўриб чиқишимиз, кейин эса кейинги ўйиндаги иштирокини ҳал қилишимиз керак. Бу масалада таваккал қила олмайсиз. Агар у ўзини яхши ҳис қилса, дам олиш кунларида "Атлетико"га қарши бўладиган ўйинда майдонга тушади", - деди Анчелотти клуб матбуот хизматига.
Айни дамда 34 ёшли франциялик футболчи жароҳати сабабли майдонга тушмаяпти.
Мадрид дербиси 18 сентябрь куни бўлиб ўтади.
