Superliganing 19-turidan o‘rin olgan AGMK va “Paxtakor” (0:2) jamoalari o‘rtasidagi bahsdan keyin Maksim Shaskix OAV vakillarining savollariga javob qaytardi.

"Bugun futbol o‘ynashga intiladigan ikki yaxshi jamoa to‘qnash keldi. Birinchi bo‘limda vaziyatlar yaratdik, ammo ulardan foydalana olmadik. Raqib jiddiy qarshilik ko‘rsatdi. Tanaffusdan so‘ng tezlik va sur’atni oshirdik. Gol urganimizdan keyin himoyada xatosiz o‘ynashga urindik. Bizda bo‘sh hududlar paydo bo‘ldi. Oldinga yaxshi o‘tishlarimiz ko‘paydi. Raqibni himoyada xato qilishga majbur etdik va muhim g‘alabaga erishdik. Har bir o‘yinning ahamiyati juda yuqori. Yaxshi futbol namoyish qilib, yutuqqa erishdik. Endi terma jamoalar bilan bog‘liq tanaffus bo‘ladi. Sal tin olib, mavsumdagi eng hal qiluvchi bellashuvlarga hozirlikni davom ettiramiz.

O‘yin sur’ati muxlislarga yoqadigan bo‘ldi deb o‘ylayman. Jamoalar futbol o‘ynashni xohladi. Raqibga qarab taktika tanlaymiz. Uni o‘yin davomida o‘zgartirish ham mumkin", — dedi Shaskix.