“Monako” bosh murabbiyi Filippe Kleman Yevropa ligasi guruh bosqichi 2-tur uchrashuvida "Ferensvarosh" jamoasidan uchralgan mag‘lubiyat (0:1) haqida fikr bildirdi.
"Bugun bizda vaziyatlardan foydalanish yetarli emas edi va Yevropa musobaqalarida bu juda muhim. Birinchi bo‘limda o‘yin sur’atimiz yetarlicha yuqori bo‘lmadi. Tanaffusdan so‘ng biz tezlikni oshirdik va golga aylanishi kerak bo‘lgan vaziyatlarni yaratdik, ammo "Ferensvaros" o‘tgan haftada "Trabzonspor" ustidan qozonilgan g‘alaba kabi juda kuchli jamoa ekanligini ko‘rsatdi. Raqib darvozasi oldidagi samaradorlik bilangina o‘yinlarda g‘alaba qozonish mumkin, usiz esa qiyin. Raqib jarima maydonchasida yetarlicha o‘yin ko‘rsata olmadik. Men allaqachon bu guruh juda qiyin ekanligini aytgandim. Bugun biz hech bo‘lmaganda durangga loyiq edik, ammo, afsuski, yakunda bunga erisha olmadik. Pley-offga chiqish uchun hali to‘rtta o‘yinimiz bor", - dedi Kleman klub matbuot xizmatiga.
