“Монако” бош мураббийи Филиппе Клеман Европа лигаси гуруҳ босқичи 2-тур учрашувида "Ференцварош" жамоасидан учралган мағлубият (0:1) ҳақида фикр билдирди.
"Бугун бизда вазиятлардан фойдаланиш етарли эмас эди ва Европа мусобақаларида бу жуда муҳим. Биринчи бўлимда ўйин суръатимиз етарлича юқори бўлмади. Танаффусдан сўнг биз тезликни оширдик ва голга айланиши керак бўлган вазиятларни яратдик, аммо "Ференцварос" ўтган ҳафтада "Трабзонспор" устидан қозонилган ғалаба каби жуда кучли жамоа эканлигини кўрсатди. Рақиб дарвозаси олдидаги самарадорлик билангина ўйинларда ғалаба қозониш мумкин, усиз эса қийин. Рақиб жарима майдончасида етарлича ўйин кўрсата олмадик. Мен аллақачон бу гуруҳ жуда қийин эканлигини айтгандим. Бугун биз ҳеч бўлмаганда дурангга лойиқ эдик, аммо, афсуски, якунда бунга эриша олмадик. Плей-оффга чиқиш учун ҳали тўртта ўйинимиз бор", - деди Клеман клуб матбуот хизматига.