O‘zPFL tomonidan pro liganing avgust oyidagi eng yaxshi murabbiyi aniqlandi.
Unga ko‘ra, “Andijon” jamoamiz bosh murabbiyi Viktor Kumikov eng yaxshisi deb topildi.
O‘tgan oyda hammasi bo‘lib, “Andijon” 4 ta o‘yin o‘tkazdi. Pro ligada uchta, O‘zbekiston Kubogida esa bitta. Barchasida Kumikov jamoasining qo‘li baland keldi. Oy laureatiga aylangan Viktor Balyutovich bu xususida shunday dedi:
“Men bu xaqda o‘ylaganim ham yo‘q. Men zo‘r murabbiy bo‘laman yoki bo‘lmayman, deb ishlash to‘g‘ri emas. Albatta, kim bizni tanlagan bo‘lsa, minnatdorchilik bildiraman. Lekin asosiysi, chempionatdagi oldimizga qo‘yilgan vazifani bajarish, albatta”, - dedi Kumikov.
