“Manchester Siti” hujumchisi Erling Xoland Premyer-liganing avgust oyidagi eng yaxshi futbolchisi deb topildi.

22 yoshli hujumchi avgust oyida "Manchester Siti" safida 5 ta o‘yinda 9 ta gol urdi va golli uzatmani amalga oshirdi. Bu Premyer-ligaga yangi kelganlar orasida rekord start hisoblanadi - Xoland Angliya chempionatining dastlabki 5 ta uchrashuvida 8 ta gol urishga muvaffaq bo‘lgan Maykl Kuinn va Serxio Aguyeroning rekordlarini yangiladi.

Bundan tashqari, Xoland Premyer-liganing "Kristal Pelas" (4:2) va "Nottingem Forest" jamoalariga (6:0) qarshi ketma-ket ikkita uchrashuvida xet-trik qayd etgan tarixdagi oltinchi va 2017 yildan beri birinchi futbolchiga aylandi. Oxirgi marta “Tottenxem” hujumchisi Xarri Keyn chempionatda qatorasiga ikkita o‘yinda uchta gol urishga muvaffaq bo‘lgandi.

Xolanddan tashqari, Paskal Gross (“Brayton”), Gabriel Jezus (“Arsenal”), Aleksandr Mitrovich (“Fulxem”), Martin Edegor (“Arsenal”), Nik Pope (“Nyukasl”), Rodrigo (“Lids”) va Uilfrid Zaxa (“Kristal Pelas”)lar avgust oyining eng yaxshi futbolchisi bo‘lish uchun da’vogarlik qilishdi.