“Манчестер Сити” ҳужумчиси Эрлинг Холанд Премьер-лиганинг август ойидаги энг яхши футболчиси деб топилди.

22 ёшли ҳужумчи август ойида "Манчестер Сити" сафида 5 та ўйинда 9 та гол урди ва голли узатмани амалга оширди. Бу Премьер-лигага янги келганлар орасида рекорд старт ҳисобланади - Холанд Англия чемпионатининг дастлабки 5 та учрашувида 8 та гол уришга муваффақ бўлган Майкл Куинн ва Серхио Агуеронинг рекордларини янгилади.

Бундан ташқари, Холанд Премьер-лиганинг "Кристал Пэлас" (4:2) ва "Ноттингем Форест" жамоаларига (6:0) қарши кетма-кет иккита учрашувида хет-трик қайд этган тарихдаги олтинчи ва 2017 йилдан бери биринчи футболчига айланди. Охирги марта “Тоттенхэм” ҳужумчиси Харри Кейн чемпионатда қаторасига иккита ўйинда учта гол уришга муваффақ бўлганди.

Холанддан ташқари, Паскал Гросс (“Брайтон”), Габриэль Жезус (“Арсенал”), Александр Митрович (“Фулхэм”), Мартин Эдегор (“Арсенал”), Ник Попе (“Ньюкасл”), Родриго (“Лидс”) ва Уильфрид Заха (“Кристал Пэлас”)лар август ойининг энг яхши футболчиси бўлиш учун даъвогарлик қилишди.